خصوصا لما تبقى الحرية جنبك مش بعيدة
بين ايديك و قصاد عنيك بس حاسب من الخرطوش والمطاطى
والاخ اللى عاملك فيها ديمقراطى
من غدر كلاب العسكر و عاشقى لحس البيادة ام سكر زيادة
ووشوشهم بلاستيك مرسوم عليها البلادة
اغضب واصرخ و ارفع صوتك فى وش الظلم و القهر وهما كام يوم
كام شهر تعيش محروم بدل ما تبقى مرحوم
انت ميت ميت بالعسكر ميت و من غيره ميت يبقى استفاد بالموت
وانزع الظلم بعلو الصوت بالغضب مش بالسكوت
بالحركة مش بالثبات بالغليان مش بالاستقرار باندفاعك اننا نعيش احرار
بالاصرار بالعدل مش بالانكار
اوعى تخاف ما هو ياما الواحد شاف وكل ما يزيد الخوف على الهتاف
اتدفى فى احضان الناس فى مظاهرة واوعى تخاف
مفيش ليل ماجاش بعده نهار ولا خير اتهزم على ايد اشرار
ولا يدوم فى الفم طعم مرار
سرسوب النور ظاهر و مش بعيد وقريب جدا النور هيقيد
فى بلادى و هيتقلب الحال احنا اسياد وهما عبيد
هتدور الدنيا الدوارة والحق هيرجع لاصحابه
ووطنا هيرجع لشبابه
عصيان مدنى 11 فبراير
مارك مجدى
0 التعليقات:
إرسال تعليق