سيدى مولاى المشير حلمت لك حلما خطير
ترتعد له الفرائص والابدان الكبير قبل الصغير
وكأنك تجلس على كرسى مملكة وبيدك مقاليد الحكم و المصير
تأمر فينام هذا على السرير و ان اردت فيعلى صوت
الشخير
واما الكرسى فله بهاء عظيم خشب متين دمياطى للتصدير
كل هذا يا مولاى جميل اما الباقى من الحلم
مرير
السوس ينهش فى ارجل الكرسى سوس اسود مدملك شرير
وسرعتهم فى النخر اسرع من شركة ساويرس للبناء و التعمير
لا نافع معاهم رش ولا مبيد ولا حتى نافع عجينة صراصير
المشكلة ان بقى مسنود على رجل وهما عددهم كتير كتير كتير
وعليهم عزم يهد جبل مش كرسى وسنان عملاقة زى المناشير
مكتوب على جبهتهم تغيير جايين فى مراكب بتنادى
تحرير تحرير
والكرسى بيتهز من تحت جنابك وعبيدك بتلصم فيه بالمسامير
مليون مسمار مش نافعين والمسامير فجأة بقت
لسعادتك خوابير
والوقت يعدى كأنه صاروخ وجنابك بتقلب فى الدساتير
بتدور على حل للسوس اللى احتل الكرسى و مقرب على السرير
والكرسى خلاص مبقاش موزون وعبيدك فى الاصل حمير
مش لاقيين مخرج لسعادتك ولا لاقيين رد ولا
تبرير
وجت الساعة ووقف العقرب وسقط مولاى المشير
0 التعليقات:
إرسال تعليق